د ټولګټو وزارت سرپرست وزیر د د پروان ولايت مرکز څلور لاري نښلونکي سړک له کاري بهير څخه ليدنه وکړه
د ټولګټو وزارت سرپرست وزیر محترم الحاج ملا محمد عیسی ثاني؛ چې د ياد وزارت تخنيکي معين الحاج مولوي عبدالکریم فاتح او يو شمېر رئیسانو يې ملتيا کوله پروان ولايت ته د خپل کاري سفر په ترڅ کې د ياد ولايت مرکز څلور لاري نښلونکي سړک له کاري بهير څخه له نږدي ليدنه وکړه.
په ياد سفر کې د ټولګټو وزارت سرپرست وزیر د دغې پروژې تخنيکي ټيم او ګمارل شويو کارکوونکو ته د کار د غوره کيفيت او چټکتيا په موخه لازمې لارښوونې وکړې، تر څو هېواد وال د تګ راتګ پرمهال د لا ډېرو ستونزو سره مخ نشي.
د کابل - شمال لويه لار د هېواد يوه مهمه لار ده، چې ګڼه ګوڼه پکې زیاته وي او د ياد څلور لاري نښلونکی سړک د تيرو پنځو کلنو څخه راپدیخوا د ترافیکو د تګ راتګ پر مخ تړل شوی و، چې د بيا رغونې کار یې څه موده وړاندې ټولګټو وزارت پيل کړی او په نږدې راتلونکي کې به بشپړ او ګټې اخيستنې ته وسپارل شي.
