د پنجشیر ولایت د دَره ولسوالۍ د تحکیم کاري چارې بشپړي شوې
د پنجشیر ولایت د ټولګټو ریاست د شته امکاناتو او ماشینري څخه ګټې اخیستلو سره، د دغه ولایت د دَرې ولسوالۍ سړک د تحکیم کاري چارې، چې له وړاندې د یادې ولسوالۍ په تنبنه کلي کې پیل شوي وې، اوس یې کار بشپړ او ګټې اخیستنې ته وسپارل شوې.
د سړک د تحکم کاري په دغه پروژه کې، د دَرې عمومي سړک هغه برخې، چې د سیند د ابو له امله زیان قبلونکي وې؛ ۷۰ متره اوږد دیوال، چې دری متره لوړوالی او دوه نیم متره پلنوالی لري شامل دی.
د پنجشیر ولایت د ټولګټو رئیس وویل: چې د ټولګټو ریاست لخوا د دغه پروګرام دویمه مرحله هم د یادې ولسوالۍ په چلپاوي سیمه کې پیل شوه.
د پنجشیر ولایت د دَرې ولسوالۍ اوسېدونکي، د دغه ولایت د ټولګټو ریاست د مسؤولینو له هڅو څخه خوښ څرګندوي او په یاد ولایت کې د نورو پروژو د تطبیق غوښتنه وکوي.
