د پکتیا ولایت له مرکز ګردیز څخه تر زرمت ولسوالۍ پورې د اسفالټ سړک د لومړۍ برخې رغنیزې چارې ۶۰ سلنه کاري پرمختګ لري
دا سړک چې ۱۰ کیلومتره اوږدوالی او ۱۰ متره پلنوالی لري، په پاخه یا اسفالټ شکل سره د پکتیا ولایت له مرکز ګردیز څخه تر زرمت ولسوالۍ پورې غځیدلی، چې تر دې مهاله یې د جوړولو کار له ۶۰ سلنه کاري پرمختګ سره دوام لري
د یاد سړک رغنیز کار د څه باندې ۳۳۵.۴۶ میلیون افغانیو په ارزښت له یوه خصوصي ودانیز شرکت سره تړون شوی، چې مالي لګښت یې د هیواد له ملي بوديجې څخه ورکول کېږي
د یادې پروژې په تکمیلېدو سره به کابو ۲۰۰۰۰ کسانو ته د تګ راتګ آسانتیا برابره شي، د یادولو وړ ده، چې یاد سړک د ګردیز ښار شاوخوا ۲۰ کلي او د زرمت ولسوالۍ له لارې به د پکتیکا او غزني ولایتونو سره ونښلوي
د ټولګټو وزارت رسنیز دفتر
