د کابل ـ کندهار لویې لارې د اساسي ترمیم او بیارغونې چارې پیل شوې
د کابل ـ کندهار لویې لارې د لومړۍ برخې ( کندهار ـ زابل ) د اساسي ترمیم چارې د ټولګټو وزارت په ماشینرۍ او پرسونل لخوا پیل شوې.
د دغه پروژ په پرانیست غونډه کې د ټولګټو وزارت ویاند مولوي مصباح، خبرې وکړې ویې ویل: ټولګټو وزارات پلان لري، تر څو د کابل ـ کندهار او سالنګ لویې لارې له خصوصي سکتور سره په همغږۍ ترمیم او بیاورغوي.
هغه زیاته کړه، د کابل ـ کندهار لویه لار شاوخوا ٩٠٠ کیلومتره اوږدوالی لري، چې نن یې د یوې برخې د بیارغونې کار د ټولکټو وزارت له لوري پیل شو.
همدارنګه د یادې پروژې په پرانیست غونډه کې د وزارت د سروې او پروژه سازي رﺉیس محمد نور نعیمي وویل: د کابل ـ کندهار لویه لار د هیواد له مهمو او اساسي لارو څخه دی، چې د ګڼ شمیر ولایتونو پر نښلون سربیره د سوداګرۍ او ټرانزیټ په پراختیا کې هم اغیزمن رول لري. هغه وویل: د دغه برخې د اساسي ترمیم چارې به تر راتلونکي ٦ میاشتو پورې بشپړې شي.
د ټولګټو وزارت رسنیز دفتر
