لوګر: د خوښي – ازري ۴۵ کیلومتره سړک د هموارکاري او چغل اچونې کار دوام لري:
د لوګر ولایت د ټولګټو ریاست د ماشینري او تخنیکي پرسونل پر مټ د دغه ولایت د خوښي – ازري سړک د هموارکاري او چغل اچونې کار دوام لري.
دا سړک، چې ۴۵ کیلومتره اوږدوالی لري، د یاد ولایت له خوښي ولسوالۍ څخه پيل او د ازري ولسوالۍ تر مرکز پورې به هموارکاري او چغل اندازي شي.
یاده دې وي، چې د دغه سړک د خربوالي له امله د ازري ولسوالۍ اوسېدونکي د تګ راتګ پرمهال له ګڼو ترانسپورتي ستونزو سره مخ و، چې ټولګټو وزارت د یادو ترانسپورتي ستونزو د حل په موخه د اوس مهال لپاره د دغه سړک د هموارکاري او چغل اچونې کار پیل کړی دی او په راتلونکي کې به د ټولګټو وزارت له پلان او بودیجي سره سم په اساسي ډول ورغول شي.
د ټولګټو وزارت رسنیز دفتر
