په خوست ولایت کې د ۵.۹۹ کیلومټره سړک او یو پُل رغنېزې چارې بشپړې او ګټې اخیستنې ته چمتو دي
د خوست ولایت په اسماعيل خېلو کې د ۵.۹۹ کیلومټره سړک او دغه راز یوه پایه ۲۰ متره پُل رغنیزې چارې بشپړې او ګټې اخیستنې ته چمتو دي.
د یادې پروژې د جوړېدو تړون د تولګټو وزارت له لوري له یو خصوصي ودانیز شرکت سره شوی وو، چې د رغیدا ټول مالي لګښت یې د افغانستان له ملي بودیجې څخه ورکړل شوي.
د دې پروژې د رغنېز بهیر پر مهال د اړوندو سیمو ګڼو خلکو ته ۱۲۴۹۵ کاري ورځې هم رامنځته شوي وي، چې په بشپړیدو سره به یې د ټڼیو او مندوزیو ولسوالیو د اوسېدونکو د تګ ـ راتګ ستونزې حل شي او د پخوا په پرتله به په اسانۍ سره د خوست مرکز ته تګ راتګ وکړي.
