په دایکندی ولایت کې د ټولګټو وزارت لخوا د ۱۵میلیونه افغانیو په ارزښت د ۱۴ کیلو متره سړک د ترمیم او رغونې کار پیل شو!
د ټولګټو وزارت لخوا په دایکندي ولایت کې د ۱۴ کیلومتره سړک چې د یاد ولایت له لادوګگ تپې څخه پیل د پاتو ولسوالۍ تر پلستو سیمې پورې رسیږي او یاد ولایت د ارزګان له لارې د کندهار ولایت سره نښلوي، د ترمیم او رغونې کار یې په دو بیلابیلو لاټونو کې د ۱۵ میلونه افغانیو په ارزښت پیل شو.
د یادې پروژې لومړی لاټ د ۷.۲ کیلو کتره به اوږد والي سره د ۸۳۲۸۴۴۲ افغانیو په ارزښت او دویم لاټ یې د۶.۷ کیلو متره اوږد والي سره د ۶۶۷۱۵۵۸ افغانیو په ارزښت د دوه بیلابیلو سړک جوړونې او ودانیزو شرکتونو سره قرارداد شوي چې د رغونې چارې یې رسماً پیل شوې او دامهال په سیمه کې کار عملاً جریان لري.
د یاد سړک په ترمیم او رغونې سره به د خلکو ترانسپورتي ستونزې هوارې شي او د کرنیز توکو په لیږد را لیږد کې به د پخوا په پرتله د پام وړ آسانتیاوې رامنځ ته شي.
د یادونې وړ ده چې د یادې پروژې د کار په جریان کې د سیمې یو شمیر اوسیدونکو ته په مستقیم او غیر مستقیم ډول د کار زمینه برابره شوي ده.
د ټولګټو وزارت رسنیز دفتر
