په هرات ولایت کې د څه باندې ۶۴ میلیونه افغانیو په ارزښت، پنځه رغنېزې پروژې تطبیق کیږي
د ټولګټو وزارت لخوا په هرات ولایت کې د پنځه رغنېزو پروژو چارې د څه باندې ۶۴ میلیونه افغانیو په ارزښت پیل او دا مهال یې کار عملاً جریان لري.
د دغو پروژه څخه د دریو پروژو(ده شیخ او پروانه پلونوترمیم، د څه باندې ۶.۷ میلیونه په ارزښت د هرات - تورغندۍ لویې لارې د پلچکونو ترمیم د څه باندې ۵.۹ میلیونه افغانیو په ارزښت او د پشتون زرغون ولسوالۍ د عمومي سړک د واشونو ترمیم) د څه باندې ۳.۹ میلیونه افغانیو په ارزښت د دغه وزارت او دریو بیلا بیلو ودانیزو او سړک جوړونې شرکتونو ترمنځ د ۱۶۷۸۲۸۷۳ میلونه افغانیو په ارزښت قرارداد شوي چې دا مهال یې کار مخ پر وړاندې روان دی.
همدارنګه د دوو نورو پروژو کار( د هرات – اسلام قلعې اسفالټي سړک د داغګیرۍ او د د کندهار – هرات ۱۳۰ کیلومتره سړک د لومړي لاټ ترمیم او داغګیري) د ۴۸۰۶۹۱۱۵ میلونه افغانیو په ارزښت د دغه وزارت د فني او تخنیکي پرسونل او شته ماشینرۍ څخه په کټې اخیستنې سره جریان لري .
د یادونې وړده چې د دغو پروژو د کار په جریان کې د یادو سېمو یوشمېر اوسیدونکو ته د کار زمینه برابره شوې ده او د کار په پشپړیدو سره به یې د خلکو ترانسپورتي ستونزې د پخوا په پرتله هوارې شي او ګاونډیو هېوادونو ته به د کرنیزو او سوداګریزو توکو په لیږد رالیږد کې د پام وړ آسانتیاوې رامنځ ته شي.
