په کنګ ولسوالۍ کې د ۳۰۰ متره پله رغنیزې چارې ۸۳ سلنه پرمختګ لري
دا پُل چې ۳۰۰ متره اوږدوالی او 11 متره پلنوالی لري، د نیمروز ولایت د کنګ ولسوالۍ په سرشیله سیمه کې، د زرنج – کنګ ولسوالۍ پر سړک د هلمند سیند په فرعي ښاخ جوړیږي.
دا پُل دواړو لورو ته ۳۴۰ متره اسفالټ سړک او ۴۰۰ متره محافظوي دیوال هم لري، چې اوس مهال یې رغنیزې چارې ۸۳ سلنه کاري پرمختګ سره دوام لري.
د دې پروژې رغنیز کار د ټولګټو وزارت او یوه خصوصي ودانیز شرکت ترمنځ تړون شوی چې مالي لګښت یې د هیواد له ملي بودیجې څخه ورکول کيږي.
د یاد پُل له جوړیدو سره به د نیمروز او هرات ولایتونو د اوسېدوونکو د تګ راتګ ستونزې هوارې او همدارنګه به د حاجي جانان، سرشله، محمد یونس، حاجي حاکیم، خان، محمد سفر، حاجي محمد، حاجی عبدالله کلاچه، نارانی او محمد ایوب اوزبک زی کلي اوسیدونکې ترې ګټه واخلي.
