د کاپیسا د دانش ـ پل مغان د دویم لاټ سړک رغنیزې چارې ۸۸ سلنه کاري پرمختګ لري
د دانش ـ پل مغان دویم لاټ سړک چې ۵ کیلومتره اوږدوالی او ۶ متره پلنوالی لري، د کاپیسا ولایت له دانش تر مغان پُل پورې غځیدلی، چې اوس مهال یې رغنیز کاري بهیر له ۸۸ سلنه کاري پرمختګ سره دوام لري.
د دې سړک په اوږدو کې په بېلابېلو اندازو کې ۷۱ پایې پُلګوټي، ۲۳۲۳ متره د سړک غاړې لښتي هم شامل دي، چې د جوړلو کار یې د څه باندې ۱۱۴ میلیونه افغانیو په ارزښت د ټولګټو وزارت لخوا له دوو خصوصي ودانیزو شرکتونو سره تړون شوی او ټول مالي لګښت یې د هېواد له ملي بودیجې څخه ورکول کېږي.
د یاد سړک د رغنیز کار له بشپړیدو سره به شاوخوا شل کلي د کاپیسا ولایت له لومړۍ حصې او دویمې حصې ولسوالۍ سره ونښلي او له همدې لارې به د کاپیسا له مرکز محمود راقي سره وصل شي، چې د تګ راتګ په برخه کې به یې ګڼې ستونزې هوارې شي.
د یادونې وړ ده، چې د دانش ـ پل مغان سړک ټولټال ۲۰ کیلومتره اوږدوالی لري چې د لومړۍ برخې رغنیز کار یې بشړ او د دریمې برخې د جوړولو کار یې دوام لري.
