د کندوز په امام صاحب ولسوالۍ کې د بیشکپه سړک رغنیز کار بشپړ او ګټې اخیستنې ته چمتو دی
دا سړک چې ۱۴.۵ کیلومتره اوږدوالی او د سړک غاړو تر څنګ ۴ متره پلنوالی لري، اوس مهال یې رغنیز کار بشپړ او ګټې اخیستنې ته چمتو دی.
د دې پروژې رغنیز کار د څه باندې ۹۷ میلیونه افغانیو په ارزښت د ټولګټو وزارت لخوا له یوه خصوصي ودانیز شرکت سره تړون شوی وو، چې مالي لګښت یې د هېواد له ملي بودیجې څخه ورکول کېږي.
د دې سړک د کار له بشپړیدو سره به د بیش کپه افغانیه، ازبکیه، ترکمنیه، مجر ترکمنیه، نوآباد، غوري درک، ده نازي، شهباز، ملا نجیب او قبلنجر کلیو د اوسېدونکو د تګ راتګ ګڼې ستونزې هوارې او د امام صاحب ولسولۍ به له مرکز سره ونښلي.
