له ګردېز تر تېرې کوتل پورې د سړک د ساتنې او څارنې چارې بشپړې شوې
ټولګټو وزارت هڅه کوي چې د سړکونو د ساتنې او څارنې برخه تل فعاله وساتي او له همدې کبله د پکتیا ولایت د ټولګټو ریاست له لوري د لوګر- پکتیا سړک ساتنه او څارنه وشوه چې پر مهال یې د دې سړک په ډېرو برخو کې راپیدا شوې ستونزې هوارې شوې.
د پکتیا د ټولګټو ریاست په خپلې ماشینرۍ سره د لوګر د تېرې کوتل څخه تر مرکز ګردېز پورې د سړک د ورانو شویو اوږو د اساسي جوړلو، د پلګوټو پاکولو او د سړک غاړو ته د راوتلو سیلابونو د پاتې شونو پاکولو چارې بشپړې کړې.
بل پلو د پکتیا د ټولګټو ریاست له خوا د پکتیا ـ خوست لویې لارې د ساتنې او څارنې چارې هم په چټکۍ سره دوام لري تر څو سړک ته د لږو تخریباتو له کبله لوی زیان وا نوړي.
