د فاریاب په اندخوی ولسوالۍ کې د سړک رغنیزې چارې دوام لري
دا سړک چې ۴.۷ کیلومتره اوږدوالی او د سړک غاړو په شمول ۶ متره سور لري، د فاریاب ولایت د اندخوی ولسوالۍ له حافظ کوڅې تر توتوز درک کلي پورې په پاخه او اساسي ډول د استنادي دیوالونو او ویالو په درلودو سره جوړېږي، چې اوس مهال یې رغنیزې چارې له ۸ سلنه کاري پرمختګ سره دوام لري.
د یاد سړک رغنیز کار د ټولګټو وزارت او یوه خصوصي ودانیز شرکت ترمنځ تړون شوی، چې مالي لګښت یې د هېواد له پراختیایي بودیجې څخه ورکول کېږي.
د دې پروژې د رغنیز کار پر مهال د ځایي خلکو لپاره ۱۷۵۲ کاري ورځې اټکل شوي دي او له ګټې اخیستنې وروسته به ۱۱۶۸ کسان ترې برخمن شي.
