د کابل ښار په اولسمه ناحیه کې د ۱.۸ کیلومتره سړک رغنیز کار ۶۵ سلنه پرمختګ لري
دا اسفالټي سړک چې ۱.۸ کیلومتره اوږدوالی لري، د کابل ښار د ۱۷ ناحیې اړوند په نجات شهرک کې جوړیږي چې اوس مهال یې رغنیزې چارې له ۶۵ سلنه کاري پرمختګ سره دوام لري.
د سړک دا پروژه د ټولګتو وزارت او یوه خصوصي ودانیز شرکت تر منځ تړون شوي چې مالي لګښت یې د هیواد له پراختیایي بودیجې څخه ورکول کیږي.
د دې پروژې د رغنیز کار په بهیر کې د سیمې خلکو ته ګڼې کاري ورځې رامنځته شوي او د چارو له بشپړیدو سره به یې، د کابل ښار د اولسمې ناحیې د اوسېدونکو ترانسپورتي ستونزې هوارې شي.
