د کاپیسا په حصه دوم ولسوالۍ کې یوه کانکریټي سړک چارې ۹۷ سلنه بشپړې شوي
دا کانکریټي سړک، چې ۲.۶ کیلومتره اوږدوالی لري، د کاپیسا ولایت د حصه دوم ولسوالۍ اړوند په چهار آسیاب کلي کې جوړیږي، چې اوس مهال یې رغنیز کار ۹۷ سلنه مخته تللی او په نږدې راتلونکې کې به یې چارې بشپړې او ګټې اخیستنې ته به وسپارل شي.
د کانکریټي سړک دا پروژه، د ټولګټو وزارت او یوې پراختیایي سیمه ییزې شورا ترمنځ تړون شوی، چې مالي لګښت یې د هیواد له پراختیایي بودیجې څخه ورکول کیږي.
د یاد سړک د رغنیز کار په بهیر کې د سیمې اوسېدونکو ته په مستقیم او غیر مستقیم ډول ګڼې کاري ورځې رامنځته شوي او اوس به یې د چارو له بشپړېدو سره د چهار آسیاب کلي تر څنګ د سړک اړوند کلیو د اوسېدونکو د تګ - راتګ ستونزې د پخوا په پرتله هوراې شي.
