د هرات په ګذرې ولسوالۍ کې د سړک رغنیزې چارې ۴۷ سلنه پرمختګ لري
دا سړک چې ۱۱ کیلومتره اوږدوالی لري، د هرات ولایت د ګذرې ولسوالۍ اړوند له ابل دوکان څخه تر سېمنټو پروژې پورې غځیږي
د یادې پروژې رغنیز تړون د ټولګټو وزارت له لوري له یو خصوصي ودانیز شرکت سره شوې او تردې مهاله یې رغنیز بهیر ۴۷ سلنه پرمختګ لري.
د دې پروژې په بشپړتیا سره به ګڼ کلي لکه، آخندان، ګل بافها، ده تپه، چهار کفترخان، وکیل، جمالزی او کلاته سره ونښلي، چې ورسره سم به د اړوندو سیمو د وګړو ترانسپورتي ستونزې هم هوارې او د پخوا په پرتله به د تګ راتګ په برخه کې اسانتیاوې رامنځته شي.
د یادولو وړ ده چې د دې پروژې له بشپړیدو سره به ۹۲۵۰ تنه په مستقیم او شاوخوا ۳۰۰۰۰ کسان ترې په غیر مستقیم ډول ګټه واخلي.
