د ایبک ــ مزارشریف لویې لارې د سړک ترمیماتي چارې پیل شوې
د سړکونو او پلونو د بنسټيزې او جغلي رغونې تر څنګ ټولګټو وزارت د سړکونو د ساتنې او څارنې برخه هم فعاله ساتلې تر څو له لږو ټپونو څخه سړک ته ډېر زیان وانوړي.
ټولګټو وزارت په همدې موخه د ایبک – مزار شریف لویه لار له ترافیکو چوک څخه تر فیروز نخچیر سیمې پورې د ۴۵ کیلومتره سړک د ترمیم چارې پيل کړې چې تر یوه بریده پرمختګ هم لري.
د دې سړک د ترمیم چارو تړون له یوه خصوصي ودانیز شرکت سره شوی چې په شپږو میاشتو کې به د سړک د ورانو او ټپي شویو برخو د ترمیم تر څنګ زیانمن شوي پلونه او پلګوټي هم بیارغوي.
د ایبک او مزار شریف تر منځ غځېدلی سړک یوه له مهمو ټرانسپورټي او ټرانزیټي لارو څخه ده چې په ترمیم سره به یې خلکو ته د تګ راتګ په برخه کې اسانتیاوې رامنځته شي.
