پکتیا: لوګر - پکتیا لویې لارې د پاکولو چارې بشپړي شوې
د پکتیا د ټولګټو ریاست لخوا د لوګر - پکتیا لویې لارې په تیرې کوتل سیمه کې د سړک هغه برخې پاکې شوې چې د اورښتونو او سختو سیلابونو له کبله یې د ترافیکو په تګ راتګ کې خنډونه رامنځته کړي وو.
د پکتیا د ټولګټو ریاست کارکوونکو له خپلې شته ماشینرۍ څخه په ګټې اخیستنې سره یاده لویه لار د سیلابونو له پاتې شونو څخه پاکه او د هر ډول موټرو پر مخ یې پرانستله.
وروستیو سیلابونو د تیرې کوتل په سیمه کې د سړک ځینې برخې ورانې کړې دي چې ټولګټو وزارت به یې له پلان سره سم او د بودیجې تر لاسه کولو ورسته په اساسي ډول بېرته ورغوي.
