ننګرهار: په تورخم بندر کې د ۱۱۰۰ متره سفالټ سړک د جوړولو او یوه پایه پل د ترمیم کار پیل شو
د ننګرهار ولایت د ټولګټو ریاست له خوا په تورخم ګمرک کې د ۱۱۰۰ متره سفالټ سړک د جوړلو کار پیل شو.
د یاد سړک په جوړولو سره به په تورخم ګمرک کې د سوداګریزو توکو لیږد رالیږد اسانه شي او د مسافرو ترانسپورتي ستونزې به د پخوا په پرتله هواري شي.
همدارنګه، د دغه ولایت د ټولګټو ریاست لخوا د جلال آباد – تورخم پر سړک د مهمندرې ولسوالۍ په ډکه سیمه کې د سیلابونو له کبله د ویجاړ شوي پل د ترمیم کار هم پیل شو، چې د دواړو پروژو مالي لګښت د ا.ا.ا، له لوري ورکول کیږي.
