د سړکونو د ساتنې او څارنې په موخه د تجربو د شریکولو علمي جلسه تر سره شوه
د سړکونو د ساتنې او څارنې په موخه د تجربو د شریکولو علمي جلسه د دغه وزارت د تخنیکي معین مولوي عبدالکریم فاتح، د سړکونو د ساتنې او څارنې معین الحاج معاون ملا عبدالجبار، د پولي تخنیک پوهنتون د یو شمیر استاذانو، د ودانیزو شرکوتونو د استازو او د وزارت د یو شمیر رئیسانو په گډون د ټولگټو وزارت د جلسو په تالار کې تر سره شوه. په دغه ناسته کې د جلسې گډون کوونکو لخوا په تیر وختونو کې د سړکونو د تخریب په اړه په تفصیل سره خبرې وکړې او د سړکونو د سروې، ډیزاین، ساختمان او د یو شمیر اوسنیو لویو لارو او سړکونو په اړه د وزارت د ډیزاین بورډ د رئیس محمد نعیم نوري لخوا سیمینار ارایه شو. د ناستې گډونکونکو له هر اړخیزو بحثونو ورسته پريکړه وکړه، چې د ټولگټوزارت د تخنیکي همکارانو لخوا دې د سړک اړوند ځیني مواد د دوی په اختیار کې ورکړل شي، چې له بشپړ غور او بررسي ورسته په اړوند برخه کې نظرونه او مشورې په لیکلي ډول وړاندې کړي، تر څو د سړکونو د ساتنې او څارنې په برخه کې یوه گډه او هر اړخیزه کړنلاره رامنځته شي.
