د زرنج – دلارام لويې لارې د بيارغونې چارې پيل شوې
د نیمروز ولایت اړوند د زرنج – دلارام لويې لارې د ترمیم او په یاد مسیر کې د ويجاړ شويو پلونو او پلګوټو د بیا رغونې چارې د نيمروز ولايت د سيمه ييزو مسوولينو او د دغه ولايت د ټولګټو چارو رئیس په حضور کې د پټۍ په پری کولو سره نن رسماً پیل شوي.
د دې لويې لارې ويجاړې شوې برخو دترمیم، پلونو او پلچکونو په ګډون؛ د برادران توجګي او عزيزي خاشرودي له ساختماني شرکتونو سره د ۱۷،۶ ميليونه افغانيو په ارزښت قرارداد شوې چې په شپږو مياشتو کې به یې چارې بشپړ شي.
د دې پروژې د کار په جریان کې به د سیمې یو شمېر اوسېدونکو ته په مستقیم او غیر مستقیم ډول د کار زمینه برابره شی او په بشپړیدو سره به یې دخلکو ترانسپورتي ستونزې هوارې شي.
