د لوګر او پروان ټولګټو ریاستونو لخوا ترسره شوي ورځني فعالیتونه:
د ټولګټو وزارت د لوګر او پروان ولایتونو ټولګټو ریاستونو د ورځنیو فعالیتونو په لړ کې له شته ماشینري او اړوند فني او تخنیکي پرسونل څخه په مؤثرې ګټې اخیستنې سره لاندې فعالیتونه ترسره کړي.
لوګر:
د کابل – ګردیز لویې لارې اړوند په تېري کوتل سیمه کې د سړک څنډو (شولډرونو)، ویالو او پلګوټو د پاک کارۍ چارې جریان لري، چې له دې سره به د اوبو مسیر خلاص او د سړک له ویجاړېدو څخه مخنیوی وشي.
پروان:
د پروان ولایت د ټولګټو ریاست له لوري د بګرام ۔ جبل السراج سړک د شولډرونو د تحکیم او هموارکاری چارې جریان لري، چې له دې سره به د خلکو ترانسپورتي ستونزې د پخوا په پرتله کمي شي.
