په سمنګان ولایت کې د خرم او سرباغ مسیر اړوند د مولا علي ویجاړ شوی پل بیا رغول کیږي
د ټولګټو وزارت سرپرست وزیر محترم الحاج ملا محمد عیسی ثاني شمالي ولایتونو د خپل سفر په ترڅ کې، د خرم سرباغ او روی دوآب ولسوالیو مسیر له تخریب شوي سړک او پل څخه په داسې حال کې لیدنه وکړه، چې د سمنګان ولایت د ټولګټو رئيس او یو شمېر نورو رئیسانو هم شتون درلود.
د ټولګټو وزارت سرپرست وزیر و ویل، چې له کابل څخه به یو تخنیکي ټیم سیمې ته استوي؛ ترڅو د یاد ټیم د تخنیکي نظریاتو او وړاندیزونو وروسته دغه پل ترمیم او بیا و رغول شي.
همدارنګه نوموړي د سمنګان ولایت د ټولګټو رئیس ته لارښوونه وکړه چې د یاد پل تر ترمیم او بیا رغونې پورې دې د خلکو د آسانتیا او ترافیکي وسایطو د تګ راتګ لپاره یو بدیل مسیر و رغوي.
د یادونې وړده، چې دغه پل د وروستیو سېلابونو له امله تخریب شوی دی او خلکو ته یې د تګ راتګ پر مهال ترانسپورتي ستونزې رامنځ ته کړې دي
