پنجشير، کونړ او نورستان ولايتونو کې د وروستيو سېلابونو له امله د زيانمن شويو سړکونو د پاکولو چارې ترسره شوي او ياد مسيرونه د ټرافيکو پرمخ خلاص دي

media_admin
سه‌شنبه ۱۴۰۳/۴/۲۶ - ۱۵:۴۶
پنجشير، کونړ او نورستان ولايتونو کې د وروستيو سېلابونو له امله د زيانمن شويو سړکونو د پاکولو چارې ترسره شوي او ياد مسيرونه د ټرافيکو پرمخ خلاص دي

د پنجشير، کونړ او نورستان ولايتونو د ټولګټو رياستونو لخوا د ځينو نورو ادارو سره په همکارۍ او همږغۍ د اړوند ماشينرۍ او پرسونل پرمټ د وروستيو سېلابونو راوتلو له امله د سړکونو د زيانمن شويو برخو د پاکولو چارې ترسره شوي او دامهال د ټرافيکو پرمخ پرانيستل شوي دي.
د پنجشير ولايت د شتل او عنابه ولسواليو په ځينو برخو کې د وروستيو تېزو اورښتونو له امله سېلابونه راوتلي وو، چې د يادو ولسواليو په ځينو نښلونکو مسيرونو کې رسوبي مواد د سړکونو سطحې ته راپورته شوي او د موټرونو تګ-راتګ يې د ستونزو سره مخ کړی وو.
د کونړ ولايت اړوند د کونړ-نورستان عمومي سړک د قمچې په سيمه کې د تېز اورښت او سېلاب له امله تخريب شوی و، چې دغه عمومي لاره د ټرافيکو پرمخ بنده شوې وه.
دغه راز د نورستان ولايت اړوند د واما ولسوالۍ د کلیګل سيمې په پنځو برخو کې هم سړک د وروستيو اورښتونو او سيلابونو له امله په بشپړ ډول تخریب شوی، چې عمومي لاره د ټرافیکو پر مخ تړل شوې او د پاکولو چارې يې په چټکۍ سره جريان لري.
د يادونې وړ ده، چې د يادو ولايتونو د ټولګټو رياستونو د اړوند ماشينرۍ او پرسونل پر مټ دغه مسيرونه له رسوبي مواد څخه پاک کاري او د ټرافيکو پرمخ پرانيستل شول.
ټولګټو وزارت هڅه کوي، چې د تخنيکي او مسلکي پرسونل پر مټ د هيواد د لويو لارو او سړکونو په ترميم، رغونې او بيارغونې سره درنو هيوادوالو ته بشپړې ټرانسپورټي آسانتياوې برابرې کړي.
 

...

2 کلونه ۱ میاشت ago

...

...

تازه خبرونه

سه‌شنبه ۱۴۰۴/۴/۲۴ - ۱۴:۳۱
Background image

د اوسپنې پټلۍ مرستیال د چین هیواد د لانژو نړیوال خشکه بندر څخه لیدنه وکړه

د ا.ا.ا د ټولګټو وزارت د اوسپنې پټلۍ مرستیال محترم مولوي محمداسحاق صاحب‌زاده چین هیواد ته د سفر پر مهال د لانژو نړیوال خشکه بندر څخه د لیدنې تر څنګ د یاد بندر له مسئولینو سره هم وکتل او. . .

سه‌شنبه ۱۴۰۴/۴/۲۴ - ۱۰:۳۱
Background image

په تېره یوه اوونۍکې د اوسپنې پټلۍ له لارې (۷۷۰۲۹) مټریک ټنه انتقالات شوي دي

په تېره یوه اوونۍکې (د ۱۴۰۴ هـ.ش. کال د سرطان مياشتي له ۱۳مې نيټې څخه   تر سرطان ۱۹مې) نېټې پورې د  ټولګټو وزارت د اوسپنې پټلۍ له لارې له لارې (۷۷۰۲۹) مټریک ټنه انتقالات شوي دي.

د. . .

سه‌شنبه ۱۴۰۴/۴/۲۴ - ۷:۵۹
Background image

په نیمروز ولایت کې د لوړ تناژ وسایطو د تلې لپاره یوه ودانۍ جوړه او ګټې اخيستنې ته وسپارل شوه

د نیمروز ولایت په دلارام ولسوالۍ کې د ټولکټو وزارت له لوري د لوړ تناژ وسایطو د وزن د کنترول د تلې لپاره یوه ودانۍ جوړه او د نیمروز ولایت د والي، د ياد ولايت د ټولګټو رئيس، قومي مخورو او. . .

BACK TO NEWS