د ټولګټو وزارت د اوسپنيزې کرښې مرستيال د ايران د اوسپنې پټلۍ له مرستيال سره وکتل
د ا.ا.ا د ټولګټو وزارت د اوسپنيزې کرښې مرستيال محترم الحاج محمد اسحاق صاحبزاده د ايران هيواد د اوسپنې پټلۍ له مرستيال محترم مرتضی جعفری او مل پلاوي سره په خپل کاري دفتر کې وکتل.
په ياده ليدنه کې د خواف-هرات اوسپنيزې کرښې له لارې د انتقالاتو د کچې پر زياتوالي، سوداګرو ته د صادراتو، وارداتو او ټرانزيټ په برخه د لازمو اسانتياوو رامنځ ته کولو، د سوداګريزو اموالو د انتقال او بارولو په جذب او ظرفيت لوړولو او د دوه اړخيزه ريلي همکاريو په تړاو مفصل بحثونه ترسره شول.
دا په داسې حال کې ده، چې په دې وروستيو د خواف-هرات اوسپنيزې کرښې له لارې د تېر په پرتله د سوداګريزو انتقالاتو کچه لوړه شوې ده.
