د ټولګټو وزارت سرپرست وزیر په خوست ولایت کې له یوشمېر پلونو څخه لیدنه وکړه
د ټولګټو وزارت سرپرست وزیر محترم الحاج ملا محمدعیسی ثاني خوست ولایت ته د خپل کاري سفر په ترڅ کې د یاد ولایت له یو شمېر پلونو څخه په داسې حال کې لیدنه وکړه چې د سړکونو د خونديتوب او تمځایونو رئیس محترم عبدالواسع صابري، د خوست ولایت د ټولګټو رئیس محترم مولوي محب الله عباس هم شتون درلود.
د ټولګټو وزارت سرپرست وزیر په دغه سفر کې د خوست-غلام خان بندر سرک پر مسیر د ګربزو ولسوالۍ اړوند د بورې خیلو پل چې د ترمیم چارې بشپړې شوي دي، د میدانې او باړې پلونه څخه چې د موسمې اورښتونو او سیلابونو له امله تخریب شوي له نږدې لیدنه وکړه او دغه پلونه یې د افغانستان د ټرانزیټ په برخه کې مهم او اساسي و بلل او زیاته يې کړه چې د يادو پلونو د ترميم کار په پلان کې شامل او پيل کړئ. دغه راز نوموړي، د یاد ولایت د موسی خیلو ولسوالۍ اړوند د سور خوړ په سیمه کې د یو پایه کانکریټي پل لپاره د سروې شوې ساحې څخه هم لیدنه وکړه، چې دوې میاشتې وړاندې یې د وزارت د تخنیکي ټیم له لوري سروې ترسره شوې وه.
د یادونې وړ ده چې په دغه سفر کې ښاغلي وزیر صاحب د یاد ولایت له یو شمېر نورو پروژو څخه هم لیدنه وکړه او د خوست ولایت د ټولګټو ریاست چارې یې وستایلې او زیاته یې کړه چې د هیوادوالو د ستونزو د حل په موخه دې دغه ریاست د خپلې ماشینرۍ څخه په ګټې اخیستنې د درنو هېوادوالو ستونزې حل کړي او د امکاناتو د محدودیت پر مهال دې خپل وړانديزونه له وزارت مقام سره شریکې کړې ترڅو د حل په موخه یې لازم اقدامات ترسره شي.
