د ټولګټو وزارت دوه تنه رئیسان تبدیل او معرفي شول
د ټولګټو وزارت د وړاندیز او د ریاستالوزرا عالي مقام د (۱۴۴۷/۷/۲۷) نېټې، د (۵۵۲۹) ګڼې حکم پر بنسټ، محترم انجنیر عبدا لطیف صاحبزاده، چې وړاندې یې د یاد وزارت د څارنې او ارزونې د رئیس په توګه دنده ترسره کوله دامهال د ټولګټو وزارت د اوسپنیزې کرښې د ساتنې او څارنې رئیس په توګه تبدیل او وټاکل شو.
همدارنګه محترم مولوي محمد رحمن محمدي، چې وړاندې یې د یاد وزارت د سمنګان ولایت د ټولګټو ریاست د رئیس په حیث هم دنده ترسره کړې ده اوس د یاد وزارت د څارنې او ارزونې د رئیس په توګه بیا وګمارل شو.
لومړی د ټولګټو وزارت د کار کوونکو چارو رئیس محترم انجنیر فضل الباري بلوڅ له لوري، د نوو رئیسانو مقررۍ په هکله د ریاست الوزرا عالي مقام حکم ولوستل شو او یاد رئیسان د یو شمېر مرکزي رئیسانو په شتون کې د اړوند ریاستونو کارکوونکو ته ور وپیژندل شول.
په پای کې ناستو رئیسانو او مسئولینو نوموړو ته په چارو کې د لوی څښتن تعالی له دربار څخه د لا بریاوو غوښتنه وکړه.
