د لغمان ولایت د مهترلام ـ باد پښ سړک ۵۶ سلنه کاري پرمختګ لري
دا سړک چې ۲۴ کیلومتره اوږدوالی او ۶ متره سور لري د څه باندې ۴۸۸ میلیونه افغانیو په ارزښت یې د جوړیدو تړون د افغانستان د دولت له لوري له یوه خصوصي ودانیز شرکت سره شوی.
د یادې پروژې رغنیز کارونه تر دې مهاله له ۵۶ سلنه ډېر مخته تللي.
یاده کاري پروژه د باد پښ ولسوالۍ د اوسیدوونکو لپاره ځانګړی اقتصادي او ټولنیز ارزښت لري، چې د کار په جریان کې یې د سیمې د ګڼو خلکو لپاره کاري بوختیاوې هم رامنځته کړي.
د یاد سړک له بشپړیدو سره به بازارونو ته کرنیز توکې په خوندي او خپل وخت ولیږدول شي او همداراز به روغتیایي او ښوونیزو مرکزونو ته د خلکو لاس رسی اسانه شي.
ټولګټو وزارت — کابل
د کب ۲۶ مه ، ۱۳۹۹
