د بغلان ولایت د یو شمېر نښلوونکو سړکونو پاک کاري جریان لري
د بغلان ولایت اړوند یو شمېر نښلونکي مسيرونه، چې د ورستیو اورښتونو او سېلابونو له امله یې رسوبي مواد د سړک مخې ته را ښویدلي وو دا مهال یې د پاکولو کار په شدت سره جریان لري.
د بغلان ولایت د ټولګټو ریاست په کاري ټیم او ماشینرۍ سربېره د ټولګټو وزارت سرپرست وزیر محترم ملا محمد عیسی ثاني د سمنګان، کندز او تخار ولایتونو د ټولګټو رياستونو کاري ټیمونه او ماشینري دیاد ولایت د نښلونکو سړکونو د پاکولو په موخه هم بغلان ولایت ته لیږلي دي، ترڅو خلکو ته د تګ راتګ په برخه کې بشپړي آسانتیا وې رامنځ ته کړي.
دغه راز د بغلان ولایت په ځینو مسیرونو کې د سیلابي موادو( خاورو او رسوباتو) حجم ډېر دی؛ دغه وزارت شپه او ورځ هڅه کوي چې ژر تر ژره د یاد ولایت نښلونکي سړکونه د سېلابونو له رسوباتو څخه پاک کاري کړي.
د یاد ولایت اړوند د ګذرګاه نور او جلګه ولسوالیو مسیرونو پاک کاري په چټکۍ سره جریان لري او د سېلابونو له امله نور بند مسیرونه د ټولګټو وزارت کاري پرسونل لخوا پاک کاري شوي دي.
د یادونې وړ ده چې دهېوا په ځینو نورو ولایتونو بامیان، غور، کاپیسا، نورستان، سرپل، سمنګان او تخار ولایتونو کې د ورستیو سیلابي مواد پاک کاري په چټکۍ سره جریان لري.
