د تورغونډۍ بندر د توسعې او پراختيا چارې د ۴۰ ميليونو امريکايي ډالرو په ازرښت پيل شوې

media_admin
پنجشنبه ۱۴۰۳/۶/۲۲ - ۸:۲۹
د تورغونډۍ بندر د توسعې او پراختيا چارې د ۴۰ ميليونو امريکايي ډالرو په ازرښت پيل شوې

د افغانستان او ترکمنستان هيوادونو د ګډو اقتصادي پروژو د پرانيستې په درشل کې د ا.ا.ا رئيس الوزراء محترم ملا محمد حسن اخند ترکمنستان هيواد ته سفر وکړ، چې په لړ کې يې د تورغونډۍ بندر د توسعې او پراختيا پروژې چارې د افغانستان د ټولګټو وزارت د اوسپنيزې کرښې د مرستيال محترم الحاج ملا بخت الرحمن شرافت او د ترکمنستان د اوسپنې پټلۍ ادارې د رئيس لخوا پرانيستل شوې.

د يادې پروژې له لارې به د افغانستان د ريلي کرښې ملي شبکه د پاکستان او ترکمنستان هيوادونو د اوسپنې پټلۍ له شبکې سره نښلول کيږي.

د تورغونډۍ بندر د پراختيا اړوند دغه دوې پروژې ټولټال د شاوخوا ۴۰ ميليونو امريکايي ډالرو په ارزښت پلي کيږي، چې لومړۍ پروژه د ياد بندر په مسير کې له هرات څخه تر صنوبر پورې د ۲۲ کيلومتره اوسپنيزې کرښې جوړول او دوهمه پروژه په ياد مسير کې د تخليې او بارګيرۍ لپاره د هنګرونو او تاسيساتو اعمارول او فرعي اوسپنيزې کرښې جوړول دي.

په ټوله کې د افغانستان اسلامي امارت په ځانګړي ډول ټولګټو وزارت موخه دا ده، چې ياد بندر د نړۍ د نورو پرمختللو او عصري ريلي بندرونو په څېر په معيارونو سمبال او د تجارانو د غوښتنو مطابق پراختيا ورکړي، ترڅو له دې لارې تجارانو ته بشپړې اسانتياوې رامنځته شي؛ انتقالات زيات شي او په دې توګه تجاران متوجه او راجذب شي.

د تورغونډۍ بندر اړوند دا ستره پروژه د افغانستان د لاجورد لارې يوه برخه ده، چې د هيواد پر تجارتي او اقتصادي برخو مثبت اغېز کولای شي.

تورغونډۍ بندر، چې په ۱۳۴۸ هـ.ش. کال کې تاسيس شوی دی؛ د هيواد یو له خورا مهمو او اساسي ريلي بندرونو څخه دی، چې د افغانستان، مرکزي او جنوبي آسيا، عربي نړۍ او آن اروپايي هيوادونو ترمنځ د تجارتي اړيکو د پراختيا محور ګڼل کيږي.

د يادونې وړ ده، چې د ياد بندر د پراختيا اړوند د يادو دوو پروژو تړونونه ترکمنستان هيواد ته د افغانستان د ګډ اقتصادي پلاوي د وروستي سفر په ترڅ کې لاسليک شوي وو.
 

...

2 اونی 5 ورځې ago

...

تازه خبرونه

شنبه ۱۴۰۴/۶/۲۲ - ۸:۱
Background image

په بامیان ولایت کې د دریو پروژو چارې د شاوخوا ۴۲.۹ میلیونه افغانیو په ارزښت پیل شوې

د ا.ا.ا ټولګټو وزارت د ځايي خلکو د هوساينې او د ټرانسپورڼي ستونزو د حل په موخه په بامیان ولایت کې د دریو پروژو چارې دیاد ولایت والي محترم مولوي عبد الله سرحدی، دیاد ولایت د تولګټو رئیس. . .

شنبه ۱۴۰۴/۶/۲۲ - ۷:۵۸
Background image

د کابل – پروان د دوه لینه ۶۳.۲ کیلومتره سړک د ترمیم چارې پیل شوې

د ا.ا.ا د ټولګټو وزارت له لوري د کابل – پروان دوه لینه ۶۳.۲ کیلومتره سړک د ترمیم او داغګیرۍ چارې د کابل ولایت د والي محترم ملا امین‌الله عبید، د دغه ولایت د ټولګټو رئیس محترم قاري حجت. . .

پنجشنبه ۱۴۰۴/۶/۲۰ - ۱۱:۳۰
Background image

د پروان – بامیان د ۲۰ کیلومتره سړک د داغګيرۍ چارې د ۳۲ میلیونه افغانیو په ارزښت پیل شوې

د ا.ا.ا د ټولګټو وزارت له لورې، د پروان – بامیان د ۲۰ کیلومتره عمومي سړک، چې د پروان ــ بامیان ولایتونو د شیبر کوتل څخه د پروان ولایت تر شیخ علي ولسوالۍ پورې رسيږي؛ د ۳۲ میلیونو افغانیو. . .

BACK TO NEWS