د سالنګ د لویې لارې خبرتیا!
ډېرو درنو هېوادوالو لکه څنګه چې تاسو ته معلومه ده، چې د هر نوي کال د نمانځلو په موخه زمونږ ډېری هېوادوال د بلخ لرغوني ولایت ته سفر کوي.
په همدې موخه په یاده لار د تلونکو خلکو د آسانتیاوو لپاره د ټولګټو وزارت د سالنګونو د ساتنې او څارنې ریاست کارکوونکو د ټېلري موټرو تګ راتګ له شمال څخه سویل لور ته او بل خوا له سویل څخه شمال لور ته بند کړی دی، څو د تلونکو مسافرو د تګ راتګ په موخه لار پرانستې وساتي.
د يادولو وړ ده چې د سالنګونو د سانتي او څارني رياست له ټولو هغو هېوادوالو څخه هيله کوي چې په یاده لویه لاره د تګ را تګ، ټول لازم او د پام وړ احتیاطي تدابیر په پام کې ونیسي او د اړوندو مسؤلینو لارښوونو ته په بشپړه توګه پاملرنه وکړې.
د یادونې وړ ده، چې د هوا پېژندنې ملي ادارې له لوري اټکل شوی چې نن د جمعې ورځې به د سالنګ لویه لار د زیاتو اورښتونو شاهده وي.
د سالنګ د ساتنې او څارنې ریاست اداره د نوي ۱۴۰۰ ل کال د مبارکۍ ترڅنګ، د لوی خدای پاک ج له سپېڅلي درباره غواړي چې یاد کال په هېواد کې د تل پاتې سولې او سوکالۍ کال شي.
ټولګټو وزارت — کابل
د کب۳۰مه، ۱۳۹۹
