د فاریاب په پښتون کوټ ولسوالۍ کې د يوه ۶۰ متره پُل رغنیز کار دوام لري
دا اوسپنیز کانکریټي پُل چې ۶۰ متره اوږدوالي او ۱۹۵ متره نښلونکی سړک لري، د فاریاب ولایت د پښتون کوټ ولسوالۍ په قزیل کلا کلي کې جوړیږي، چې تر دې مهاله یې د جوړولو کار له ۲۸ سلنه رغنیز پرمختګ سره دوام لري
د یادې پروژې رغنیز کار د ۲۴ میلیون افغانیو په ارزښت د ټولګټو وزارت او یوه خصوصي ودانیز شرکت ترمنځ تړون شوی، چې مالي لګښت یې د هیواد له ملي بودیجې څخه ورکول کیږي
د یاد پُله رغونه د پښتون کوټ ولسوالۍ د اوسېدونکو لپاره ځانګړی ارزښت لري، چې د رغنیز کار له بشپړیدو ورسته به یې ترانسپورتي ستونزې تر پخوا کمې شي، همدارنګه به د یادې پروژې د رغنیز کار پر مهال د سیمې اوسیدونکو ته په مستقیم او غیر مستقیم ډول ۱۵۶۰ کاري ورځي هم رامنځته شي
د ټولګټو وزارت رسنیز دفتر
