د مزارشریف –دره صوف ۵۶.۳ کیلومتره سړک د ترمیم او داغګیرۍ چارې ۴۲ سلنه بشپړې شوې دي
د ا.ا.ا تولګټو وزارت لخوا په بلخ ولایت کې د درنو هېوادوالو د ستونزو د حل او هوسا تګ راتګ په موخه د مزارشریف – دره صوف سړک د ترمیم او داغګیرۍ چارې د ۱۵۹ میلیونه افغانیو په ارزښت پیل شوې وې او دا مهال د ۴۲سلنه پرمختګ سره جریان لري.
د مزارشریف – دره صوف سړک ۵۶.۳ کیلومتره اوږدوالی لري، چې د یاد ولایت له شولګرې ولسوالۍ څخه پیل د سمنګان ولایت تر حدودو پورې رسیږي.
په یاده پروژه کې د یو شمېر پلګوټو او استنادي دیوالونو د ترمیم او بیارغونې کار هم شامل دی، چې د یو کال په موده کې به بشپړ او ګټې اخیستنې ته به وسپارل شي.
