د ټولکټو وزارت د ساتنې او څارنې مرستيال د مزار شریف له حلقوي سړک څخه لیدنه وکړه
د ټولګتو وزارت د ساتنې او څارنې مرستيال انجینر پاینده محمد انوري د ولسونو د هغې غوښتنې پر بنسټ، چې درلودله یې د مزارشریف حلقوي سړک څخه لیدنه وکړه اودغه راز یې هلته په ساحه کې یو ټیم ته دنده وسپارله تر څو د ياد سړک په تړاو بشپړ معلومات د وزارت له رهبرۍ سره شریک کړې.
په ورته مهال کې د تولګټو وزارت د څارنې او ساتنې مرستیال پوهنیار پاینده محمد انوري بلخ ولایت ته د خپل کاري سفر په ترڅ کې په یاد ولایت کې د کلیو د لار جوړونې ملي پروګرام یا NRAP چې په هېواد کې د سړکونو په رغښت بوخته دی د کلیو، بیارغونې او پراختیا ریاست څخه ټولګټو ریاست ته رسماً انتقال کړه او د دې ریاست اړوند شوه.
دا برنامه څه موده وړاندې د کلیو، بیارغونې او پراختیا وزارت څخه د جلالتمآب جمهور رئیس په حکم ټولګټو وزارت ته انتقال شوې وه.
د انرپ پروګرام له لارې دا مهال د نورو ولایاتو ترڅنګ په بلخ او فاریاب ولایتونو کې ۸ پروژې تر کار لاندې دي، چې له هغې ډلې څخه یې د دوه پروژو چارې بشپړې شوې او په پاتې ۶ پروژو دا مهال کار جریان لري، چې په نژدې راتلونکي کې به بشپړې شي
ټولګټو وزات ــ کابل
