د ټولګټو وزارت د اداري او خدماتو نوی رئیس معرفي شو
د ټولګټو وزارت د پیشنهاد په اساس او د ریاست الوزرا د عالی مقام د ۱۴۰۲/۱/۱۰ نیټې ۳۲۸۴ ګڼه حکم پر بنسټ، محترم فضل ربي هدایت د دغه وزارت د اداري او خدماتو د نوي رئیس په توګه په دویم بست کې وټاکل شو او نن د یاد ریاست کارکوونکو ته ور وپیژندل شو. په دغه اړه جوړه شوي ناسته کې د وزارت یوشمېر رئیسانو خبري وکړې ویې ویل؛ په نظام کې څوکۍ امتیاز نه؛ بلکي مسؤلیت دی، له الله تعالی څخه غوښتنه کوو چې خلکو ته د خدمت او د هیواد د ابدالو توانایي راکړي. د یادونې وړ ده، چې محترم فضل ربي هدایت، په فقه او قانون څانګه کې د لیسانس تر کچې لوړې زده کړې کړي او څلور کلنه کاري تجربه لري.
