د ټولګټو وزارت د اوسپنيزې کرښې مرستيال د ايران د اوسپنې پټلۍ ادارې له رهبرۍ سره وکتل
د ا.ا.ا د ټولګټو وزارت د اوسپنيزې کرښې د مرستيال محترم مولوي محمد اسحاق صاحبزاده او مل پلاوي د خپل کاري سفر په لړ کې د ايران هيواد د اوسپنې پټلۍ ادارې له اجرائیوي رئیس محترم دوکتور جبارعلي ذاکري او مل پلاوي سره ليدنه وکړه.
په ليدنه کې د خواف-هرات د دريېمې قطعې له لارې د سوداګريزو توکو د انتقالاتو پر زياتوالي، د اوسپنې پټلۍ په برخه کې د افغانستان د اوسپنيزې کرښې اړوند د تخنيکي کارکوونکو د ظرفيت لوړولو او په افغانستان کې د اوسپنيزې کرښې په برخه کې د پانګونې په څرنګوالي مفصل بحثونه ترسره شول.
په پای کې دواړو لوريو د افغانستان او ايران ترمنځ په اوسنيو دوه اړخيزو ريلي همکاريو خوښي وښوده او هيله يې څرګنده کړه، چې دواړه هيوادونه بايد د ريلي همکاريو د دوام او پراختيا په موخه هڅې نورې هم زياتې کړي.
