غزني: په ناني سیمه کې به یو پایه لوړ تناژ تله په نږدې راتلکونکي کې فعاله شي
د کابل – کندهار لویې لارې په مسیر؛ د غزني ولایت په ناني سیمه کې د یوې پایې لوړ تناژ باروړونکو موټرو د کنترول تلې د فعالولو چارې د بشپړېدو په حال کې دي، چې په نږدې راتلونکي کې به فعاله او ګټې اخیستنې ته وسپارل شي. د غزني ولایت د ټولګټو رئیس الحاج ملا محب الله عباس، تېره ورځ په ناني سیمه کې د یادې تلې له رغنیزو چارو څخه لیدنه او څارنه وکړه او قراردادي شرکت ته یې د کار د هر څه ژر بشپړېدو سپارښتنې وکړې. د یادې تلې له فعالولو سره به؛ د لوړ تناژ باروړونکو موټرو وزن کنترول او د سړک له ویجاړېدو څخه به مخنیوی وشي.
