په فاریاب ولایت کې د یوه ۴۸ متره پُل رغنیز کار ۸۰ سلنه بشپړ شوی
دا وسپنیز کانکریټي پُل چې ۴۸ متره اوږدوالی او ۱۲.۵ متره پلنوالی لري، د فاریاب ولایت په مرکز میمني ښار کې د موټرو د دوو لاینونو لپاره جوړیږې، چې تر دې مهاله یې د جوړلو کار له ۸۰ سلنه کاري پرمختګ سره دوام لريد دې پُل رغنیز کار د ۲۴ میلیون افغانیو په ارزښت له یوه خصوصي ودانیز شرکت سره تړون شوی، چې مالي لګښت یې د هېواد له ملي بودیجې څخه ورکول کېږي
د یاد پُل د رغنیز کار له بشپړیدو ورسته به ۳۵۰۰ تنه په مستقیم او ۲۱۰۰۰ تنه په غیر مستقیم ډول ترې ګټه واخلي او د سیمې اوسېدونکي به تر پخوا په اسانه ډول روغتیایي او ښوونیزو مرکزونو ته لاس رسی پیداکړي، همدارنګه به مارکیټونو ته د کرنیزو محصولاتو په لېږد کې هم ګڼې اسانتیاوي رامنځته کړي
د ټولګټو وزارت مطبوعاتي څانګه
