په نورستان کې د کوردر ٢٥ متره پُل د اساسي ترمیم او بیارغونې کار پیل شو
د ټولګټو وازرت لخوا، د نورستان ولایت اړوند د پارون ۔ کنړ عمومي مسیر په اوږدو کې د کوردر ٢٥ پُل او ١٦٣ متره استنادي دیوال د اساسي ترمیم او بیارغونې کار د یاد ولایت د محترم والي صاحب، د ټولګټو رئیس او یو شمېر سیمه اییزو مسؤلينو په شتون کې پیل شو.
دغه پُل، چې ۲۵ متره اوږدوالی او ۹ متره پلنوالی لري، د ترمیم او بیارغونې کار یې د ټولګټو وزارت او متحد صافي ودانیز او سړک جوړونې شرکت ترمنځ؛ د څه باندې ۲.۵ میلیونه افغانیو په ارزښت قرارداد شوی، چې لګښت یې د یاد وزارت له بودیجې څخه ورکول کیږي.
د دغې ترمیماتي پروژې د کار په جریان کې به د سیمې یو شمېر اوسېدونکو ته د کار زمینه برابره شي او د کار له بشپړېدو سره به یې د خلکو ترانسپورتي ستونزې د پخوا په پرتله هوارې او په اساني به تګ راتګ وکړي.
