په کاپیسا کې د څه باندې ۳۶۴ میلیونه افغانیو په ارزښت د تګاب ولسوالۍ د بدر آب درې د سړک رغنيزې چارې پیل شوې
د ا.ا.ا د ټولګټو وزارت لخوا په کاپیسا ولایت کې د تګاب ولسوالۍ د ځایي اوسیدونکو د ستونزو د حل په موخه، د بدر آب درې سړک د رغونې چارې د څه باندې ۳۶۴ میلیونه افغانیو په ارزښت د یاد ولایت د والي محترم قاري احسان الله بریال، د ټولګټو رئیس محترم مولوي بحرالله بدري، سیمه ییزو مسؤلانو او قومي مخورو په شتون کې پیل شوې.
دغه سړک شاوخوا ۱۳.۶ کیلومتره اوږد والی لري، د تګاب ولسوالي او بدر آب دره د کاپیسا ولایت له مرکز سره نښلوي.
د دغې پروژې چارې د ټولګټو وزارت او خصوصي سکتور ترمنځ قرارداد شوې دي، چې د ۱۶ میاشتو په موده کې به یې کار بشپړ شي .
د یاد سړک د کار په پیلیدو د سيمې اوسیدونکې خوښ دي او وایي چې دا ډول پروژې د سیمې د پرمختګ او د خلکو د هوساینې لپاره ډیرې اړینې دي.
دا په داسې حال کې ده، چې ټولګتو وزارت د هېواد په بېلابېلو برخو کې د ګڼ شمېر لویو او کوچنیو پروژو د رغونې، ترمیم او بیارغونې چارې پیل کړې دي.
