د هرات ولایت په ګذره ولسوالۍ کې د سړک جوړولو چارې رواني دي
د هرات د ګذرې ولسوالۍ اړوند له ابل دوکان څخه تر سمنت پروژې پورې د څه باندې ۱۱ کیلومټره اسفالټ یا پاخه سړک رغنیزې چارې رواني دي.
د یادې پروژې د رغیدا تړون د ټولګټو وزارت له لوري له یو خصوصي ودانیز شرکت سره شوې او تردې مهال یې رغنیز بهیر ۴۲ سلنه سرته رسیدلی دی.
د دې کاري پروژې په بشپړتیا سره به ګڼ کلي لکه، آخندان، ګل بافها، ده تپه، چهار کفترخان، وکیل، جمالزی او کلاته سره ونښلي، چې ورسره سم به د اړوندو سیمو د وګړو شته ستونزې د سړک په برخه کې حل شي او د پخوا په پرتله به د تګ راتګ په برخه کې اسانتیاوې رامنځته کړي.
د یادولو وړ ده، چې د سړک د دغې پروژې د رغیدا سره سم به ۹۲۵۰ تنه په مستقیم او ۳۰۰۰۰ تنه به ترې په غیر مستقیم ډول ګټه واخلي.
