په هرات کې د ۲۹.۷ کيلومتره سړک د سروې تخنيکي چارې پیل شوې

ټولګتو وزارت نن سه شنبه د هرات په انجيل او ګذره ولسوالیو کې د ۲۹.۷ کیلو متره اسفالټ سړک د سروې تخنيکې چارې پيل کړې.

چې له ډلې به يې د ۱۴.۷ کيلو متره سړک د سروې چارې د انجيل ولسوالۍ په ترکانو، سفلي، جغاره، کبابيان او بهارستان کليو کې تر سره شې.

او د پاتي ۱۵ کيلومتره سړک د سروې چارې به د کذره ولسوالۍ په چهار برجګ، ناګهان، مالان، او سنوګرد؛ کليو کې تر سره شې دا سړک چې د هرات هوايې ډګر سړک غوره بديل او د هرات – کندهار لويې لارې يوه برخه هم ده د سروې، ډيزاين او تداکارکاتي پړاونو له بشپړيدو وروسته به په پاخه او اساسي ډول ورغول شې چې له رغېدا سره به يې د سیمې خلک له ګڼو اسانتياوو څخه برخمن شې.