د کابل ــ ننګرهار لویې لارې د سړک ساتنې او ترمیم چارې پیل شوې
ټولګټو وزارت د ټول هېواد په کچه پلان لري، چې د سړکونو د ساتنې او څارنې برخه د تل لپاره فعاله وساتي، ترڅو ټول رغول شوي سړکونه خوندي پاتې شي.
په همدې موخه د کابل ولایت د تولګټو ریاست لخوا د کابل ــ ننګرهار لویې لارې د بیا ترمیم چارې پیل شوې.د کابل ټولګټو ریاست په خپلې ماشینرۍ سره له کابل دروازې تر سروبي ولسوالۍ او له سروبي د لغمان تر دروازې پورې د سړک د ورانو شویو اوږو د جوړولو او پلونو د پاکولو چارې پیل کړي او دا مهال د یادې لویې لارې په ترمیم کار روان دی.
په ورته مهال د ټولګټو وزارت رهبري له ټولو هېوادوالو غواړي چې د سړکونو د څار، ساتنې او خوندیتوب په برخه کې خپل ملي مسوولیت ترسره کړي او پرېنږدي چې دغه ملي شتمني ته زیان ورسېږي.
