په زابل ولایت کې د بسکي پل د ترمیم اوبیارغونې چارې ۹۰ سلنه بشپړې شوي
د زابل ولایت اړوند د کابل – کندهار لویې لارې پر مسیر د بسکي پُل د ترمیم او بیارغونې چارې ۹۰ سلنه بشپړې شوې دي.
دا پُل، چې ۲۴ متره اوږدوالی او څه باندې ۸ متره پلنوالی لري، د بیارغونې کار یې د یوه ترکي قراردادي شرکت لخوا پرمخ وړل کیږي، چې دا مهال یې چارې ۹۰ سلنه پرمخ وړل شوې دي.
د یادونې وړ ده، چې، د زابل ولایت والي مرستیال محترم سلیمان آغا بهیر او د دغه ولایت د ټولګټو رئیس محترم مولوي احمد احمدي د یاد پله د ترمیم او بیارغونې له کاري بهیر څخه لیدنه وکړه او د شرکت مسؤولینو ته یې د کار د غوره کیفیت او په ټاکلې مودې د بشپړېدو په تړاو لازمې لارښوونې وکړې.
د ټولګټو وزارت رسنیز دفتر
