د ټولګټو وزارت اداري ناسته ترسره شوه
د ټولګټو وزارت نوبتي اداري ناسته د دغه وزارت د سرپرست محترم الحاج ملا محمد عیسی ثاني په مشري ترسره شوه، چې د وزارت تخنیکي معین مولوي عبدالکریم فاتح، د سړکونو د ساتنې او څارنې معین الحاج معاون صاحب ملا عبدالجبار او د وزارت رئیسانو حضور درلود. دغه اداري ناسته، چې د قرآن کریم د څو مبارکو ایاتونو په تلاوت سره پیل شوه، د پروژو د سروې، ډیزاین او د نویو پروژو د کار په پیل، مالي او تدارکاتي موضوعاتو، دغه راز د همکاري او همغږۍ په پیاوړتیا بحث او خبرې وشوې.
