د سړکونو د ساتنې او څارنې معین د تخار او کندوز له ټولګټو ریاستونو څخه لیدنه وکړه:
د ټولګټو وزارت د سړکونو د ساتنې او څارنې معین الحاج معاون ملا عبدالجبار د هیواد شمالي ولایتونو ته د سفر په ترڅ کې تېره ورځ د تخار او کندوز ولایتونو له ټولګټو ریاستونو څخه لیدنه وکړه؛ د یادو ریاستونو کړنې او تر کار لندې پروژې یې وارزولې. دغه راز یې د یادو ریاستونو د کار کوونکو ستونزې او وړاندیزونه واورېدل. د سړکونو د ساتنې او څارنې معین، د یادو ریاستونو له ماشینرۍ څخه هم لیدنه وکړه او مسؤولینو ته یې د غیر فعالې ماشینرۍ د ترمیم او له هغو څخه د مؤثرې ګټې اخیستلو په برخه کې لارښوونې وکړې.
