د سړکونو د ساتنې او څارنې معین د کابل – کندهار لویې لارې له کاري بهیر څخه لیدنه وکړه
د ټولګټو وزارت د سړکونو د ساتنې او څارنې معین محترم الحاج معاون ملا عبدالجبار، د کابل – کندهار لویې لارې اړوند د بېلابېلو برخو له کار څخه لیدنه وکړه.
د ټولګټو وزارت د سړکونو د ساتنې او څارنې معین؛ د هيواد جنوب غربي ولایتونو ته د خپل سفر په ترڅ کې د میدان وردګ – غزني، غزني – مقر، مقر - قلات ، قلات - د شهر صفا او د زابل ولایت اړوند د تازی رباط، نورک او دسوختې پلونو د کار له جریان څخه له نږدې لیدنه وکړه.
د ټولګټو وزارت د سړکونو د ساتنې او څارنې معین، قراردادي شرکت، د پروژې څارونکي ټیم او اړوند مسؤولینو ته لارښوونه وکړه ترڅو د پروژې کار په ټاکلي وخت او د د قرارداد له شرایطو سر سم ترسره کړي، تر څو د ژمې د سړې هوا له رارسېدلو مخکي کار بشپړ او د خلکو شته ترافیکي ستونزي ورسره هوارې شي.
