د ټولګټو وزارت له لوري د کابل- شمال لويې لارې اړوند د بغلان ولایت دوشي سیمه کې د سړک ويجاړې برخې بیا رغول کيږي
د ټولګټو وزارت سرپرست وزیر محترم الحاج ملا محمد عیسی ثاني بغلان ولایت ته د خپل سفر په ترڅ کې، د کابل – شمال لویې لارې اړوند د دوشي – بغلان سړک څخه چې، یوه برخه یې د وروستیو اورښتونو او سېلابونو له امله په بشپړه توګه ویجاړه شوې وه، په داسې حال کې لیدنه وکړه چې هلته د بغلان ولایت محترم والي مولوی عبدالرحمن حقاني هم شتون درلود.
د ټولګټو وزارت سرپرست وزیر په دغه سفر کې د بغلان ، سمنګان ، پروان او د سالنګونو د ساتنې او څارنې رئيسان چې سیمې ته راغوښتل شوي وو، لارښونه وکړه چې لومړی د وسایطو د تګ راتګ لپاره بديل مسير آماده او د شته امکاناتو او ماشینرۍ پرمټ دي د اوبو مسير د سړک څخه تغير او د يادې لويې لارې تخریب شوې برخې دي ژرترژره ورغوي.
همدارنګه د ټولګټو وزارت سرپرست وزیر د خپل سفر په دوام د مرکزي بغلان – او نهرین والسوالۍ سړک څخه هم لیدنه وکړه، چې یاد سرک د شیخ جلال په سیمه کې د ورستیو سیلابونو له امله تخریب شوی وو او دیاد ولایت ټولګټو ریاست ته يې لارښونه وکړه؛ تر څو ژر تر ژره ویجاړې شوې برخې ترمیم او بیا ورغوي
