د ټولګټو وزارت د سلنګونو د ساتنې او څارنې ریاست کارکوونکي د درنو هیواد والو د هوساینې په موخه شپه او ورځ په کار بوخت دي
لکه څنګه چې درنو هیوادوالو ته څرګنده ده، په وروستیو ورځو کې د سالنګونو لویې لارې په اوږدو کې د واورې دوامداره اورښت جریان لري، تېره شپه شاوخوا یوه بجه د ټولګټو وزارت د سالنګونو د ساتنې او څارنې ریاست محترم رئیس او مؤظفو کار کوونکو د هیوادوالو د هوسا تګ راتګ په موخه له یو پلوه د یادې لویې لارې په بېلابېلو برخو کې د خاورې او مالګې په شیندلو بوخت وو او له بله پلوه د ترفیکي وسایطو د کنټرول، چین تړلو او د هیوادوالو د ځان او مالي د خونديتوب لپاره په نیمه شپه هلې ځلې وکړې.
د سالنګونو د ساتنې او څارنې ریاست محترم رئیس او مؤظف پرسونل شپه او ورځ په شدیده یخنۍ کې درنو هیوادوالو ته د تګ راتګ بشپړې اسانتیاوې برابروي.
۱۲ قوس د ټولګټو وزارت رسنیز مرکز
