په کندز ولایت کې د لوړ ټناژ بار وړونکو وسایطو د وزن د کنټرول په موخه یوه پایه تله د څه باندې ۷.۵ میلیونه افغانیو په ارزښت نصب او فعاله شوه
د ټولګټو وزارت له لوري د کندز ولایت دشت ارچي ولسوالۍ په دشت آبدان سیمه کې د سړک تخریب د مخنیوي په موخه د لوړ ټناژ بار وړونکو وسایطو د وزن د کنټرول په موخه یوه پایه تله نصب او د یاد ولایت د ټولګټو رئیس ملا عبدالخالق حقمل په شتون کې افتتاح او ګټې اخیستنې ته وسپارل شوه.
د یادې تلې د رغولو چارې تېر کال د میزان په میاشت کې د څه باندې ۷.۵ میلیونه افغانیو په ارزښت پيل شوې وې، چې دا مهال یې چارې بشپړې او رسماً یې په فعالیت پیل وکړ او له دې وروسته به د لوړ تناژ باروړونکو موټرو وزن کنټرول او د آسفالټي سړک له ویجاړېدو څخه به مخنیوی وشي.
